the next day

22 juni 2009

10.23pm

Sakwise gaya thok katik mosting nganggo coro inggris wkwkwk, saiki nganggo boso ibukku. Sing ra ngerti, yo mohon dipersori wae.

Dino ke loro nang Jogja, sik sik, guduk ke loro jane, wong tekan Jogja ntas tanggal 19 jam 1 bengi, akhire nembe iso mapanke awak jam 4 subuh. Hla terus piye itungane dino, mbuhhh

Sakwise mapan turu sekitar 4 jam, anakku sing cilik wes tangi tur langsung ngurupke tipi, sing jarake cuma sak meter seko peturon, dooh brebegen tenan bapak lan mboke. Tapi pancen wes wayahe tangi juga, nggo siap2 breakfast, opo kuiii, sarapan kui lhooo

Pas aku nang jedhing, jebulane petugas guest house, omah tamu …. Eeee opo yo terjemahane guest house kui, ndodog pintu kamar, hlaa iyo guduk lawange jedhing sing digedor, ngabarke ternyata kamar cilik nang lantai 2 sing dipanggonani kene kui wes eneng sing arep nyewo terus kene wong telu kudu pindah nang kamar sing nang lantai dasar, tur jane kamare luwih penak mergo luwih gedhe tur ora susah munggah ondho.

Yo wes, kene kukut2 terus mindahi barang, terus sarapan. Sarapane mung disediakke sak menu, tapi oke2 wae lah, tinimbang kudhu golek sarapan dewe.

Wes bar sarapan njedullah kang Senoaji karo mbak Teteh, wah yo dadi gayeng ngobrol ngalor ngidul sementara kui anakku sing cilik kecipakan ra karuan dolanan banyu nang jedhing. Mumpung liburan dan wes termasuk rego kok adhus sak puase kui hehehehe.

Akhire bojoku diculik karo kang Senoaji, eeh menculikkan diri hehehe, sementara kui anakku wes puas gejeburan, langsung ngajak dolan. Ojo kaget lo yooo, dolane dee kui menyang Gramedia hehehe, ra kreatip babar blas, menyang Jogja kok yooo mlebu Gramed.

Numpak becak menyang Gramed sing cuma butuh duit 5ewu, cedhak jane, tapi halaah meniko tiang mBandung nggih mboten kiat menanggung panase howo.

Sakdurunge nyengklak becak, aku wes janjian karo si cilik, sakwise Gramed lanjute nang Malio, alesane amergo ibuke kudhu tuku sandal. Embuh keno samber opo sandalku sing digowo seko Bandung, bhasan tekan guest house, ndadak sandalku pedhot, duh ngisin2i tenan hehehe

Numpak becak sak nyukan, ra usah diceritakke to, lanjute anakku ngubek2 Gramed, mlaku mrana mrene ndelok2 segala macem buku, eee kok yooo akhire sing dituku komik Doraemon hehehe, iki ra kreatip babak ke 2, wong nang mBandung senengane yo tuku komik kui.

Wes puas si cilik, tur wes awan kui, aku lingak linguk golek panggonan mangan sing cedhak, sing ketok mergo persis sebelahe Gramed anane, Dunkin Donut hehehehe, ra kreatip babak ke 3. Nang Jogja kok yoooo mangan donatttt

Kui yo ra usah dibahas perkoro mangan donat, lanjutane, perjalanan diteruske nunggang becak neh menyang Malio. Pancen tenan Jogja lagek panas menyengat kulit. Rasa2ne urusan blonjo nang Malio rodo ngisin2i nek dipaparke, intine aku iso nemu oleh2 nggo kabeh sak omah Bandung.

Wes cukup kringetan kui, terus nunggang becak neh balik menyang guest house. Ceritane nganti bengi ngendhon wae nang kamar, telpan telpon, smsan, internetan hehehe, koyoe iki ra kreatip babak ke 4 yooo

Poro sederek sedoyo cekap semanten, mbenjing bakal wonten lanjutane melih nggih. Ojo kuatir lanjutane luwih kreatip adoh hehehe

About ami

kami ingin berbagi cerita kehidupan, gagasan dan peluang berkarya. terima kasih kepada yang telah bersedia meluangkan waktu untuk membuka halaman blog kami. salam Lihat semua pos milik ami

19 responses to “the next day

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: